كرم رائد كوارع

بلغ من العمر 15 عامًا، كتبت خطيبة أخوه في رسالة لمنصتنا: "كرم مش بس سلفي، كان أخوي وصاحبي غالي عليّ. كرم صاحب الروح الحلوة، كان يحب الحياة كثيرًا، ويحب أهله كثيرًا، قلبه طيب، عمرو ما أذى حدا، وابتسامته ما كانت تفارق وجهه. فرفوش، محبوب، وما قصر مع حدا. كان نفسه يصير حلاق مشهور، وكان حلمه يفتح محل حلاقة. وفي آخر لقاء جمعنا، عملنا سباق أنا وإياه بالليل، لكن ما كنت بعرف أنو آخر سباق معه. ضحكته فبالي دايمًا، وكلماته وصوته محفورين في قلبي، ما نسيتك ولا لحظة، فبالي دايمًا. رحلت أنت، لكن ظلت سيرتك الحلوة في قلوبنا، وأثرك ما بنمحي."