عبد الرحمن هاشم السقا

استشهد مع إخوته، كان آخر العنقود ، ومدلع حالو وما كان بدو يكبر. مطيع جدأ وأي طلب كنت أطلبه منه كان يخجل يحكي لأ. آخر فترة دايما يجي يحضني وينام جنبي ويحنن عليا ويقلي بحبك، حتى لما كنا نتزاعل كان يجي ويعتذر ويراضيني. عبود كان يتصعب بالحفظ كتير بالقرآن ويقعد يعيط اوقات كتيرة .. كان أحلى شي بحياته الرياضيات والحسابات، ذكي جدأ فيها ولما كنت أدرسه كان هو يشرحلي مش انا اشرحله، حنون ع اخوانه كتير وما كان يهون عليه زعل حدا منهم ولما تكرّم بالحرب لحفظ جزئين للقرآن واخد هدية ١٠٠ شيكل، قسّمها بينه وبين أخواته عصام وشهد ، ما رضي يصرفها لحاله، حبيبي الله يتقبله.