عوض الأعرج⚫️

كتبت ابنة عمته في رسالة لمنصتنا: "حبيبي عوض، صاحبي وشريكي أبو الضحكة الحلوة، ما صدقنا يكبر قبال عيوننا ويصير شب وييجي عنا ويقلنا بدكم اشي يحبايب قلبي؟ لما اسمع الناس بتحكي عن أولاد خالهم ومغامراتهم بحس بغصة كبيرة جواتي وبحبس دموعي، لأنو مليش أولاد خال هما خمسة بس وكلهم استُشهدوا. كانوا فاكهة العيلة عوض: الإبن البكر طبق الـ 14 سنة بالحرب وهو شهيد، كان نفسو يسير طبيب أسنان. عوض بحب الحياة كثير وما بحرم حالو من اشي، عوض عندو روح المنافسة بالنجاح، عوض استُشهد هو وإخوته الأربعة وأمه وجدتي ببرميل متفـجرات! والفسفور المحرم دولياً."