جوان سايد اللدعة

بلال سائد اللدعة الشهيدة الطفلة جوان سائد اللدعة،5 سنوات. الشهيد الطفل بلال سائد اللدعة، 3 سنوات. كلام ابن الخالة: الحلوين هدول اسمهم جوان وبلال اللدعة من احلى وازكى الأطفال الي ممكن تشوفوهم امهم هيا خالتي الي اصغر مني بس برضو بحكيلها خالتي الحلوة الصغيرة الفهمانة وابوهم سائد الطيب الخلوق الخدوم المحترم،، بيحبوهم اكتر من اكتر اي اشي بالكون هم فرحة قلوبهم بالدنيا بكل مناسبة كانوا يصوروهم زي هالصور عشان لما يكبروا يفرجوهم كيف كانوا مبسوطين فيهم ضلهم بغزة والدبابات حاصرتهم وشافوا الي ما ممكن نتصوره طلعوا عن طريق الصليب الأحمر لرفح عشانها منطقة آمنة زي ما بيحكوا ،، لكن اليوم بالليل استهدفوا البيت الي كانوا فيه برفح خالتي وزوجها وأولادها وعائلة زوجها صاروا ضيوف عند ربنا والصغار الحلوين صاروا عصافير طايرين بالجنة .. يارب يارب يارب ترحمهم برحمتك وتربط على قلب سيدي وستي واخوالي وخالاتي وجميعنا هذا ألم يزرع بالقلب لا تمحوه السنين مهما طالت لا اعتراض على حكمك يارب ما عدنا نحتمل، تاريخ الإستشهاد 19-12-2023